2024 жылы қазақстандықтар қанша VIP-нөмір сатып алған?

Қазақстанда автокөлік нөмірлерінде қолдануға болмайтын әріптік комбинациялардың қатаң тізімі бар. Tengri Auto тыйым салынған мемлекеттік нөмірлер тізімі өзгерді ме және былтыр қанша қазақстандық осындай нөмірлерді сатып алды деген сұраққа жауап іздеді.

ІІМ баспасөз қызметі мәліметінше, қазіргі уақытта елде мемлекеттік тіркеу нөмірлік белгілері (МТНБ) үшін тыйым салынған 106 әріптік комбинация бар.

Бұл тізімге келесі комбинациялар кіреді: AAM, BOK, CEX, FBP, HER, KAL, KOT, MAL, SOR, SOP, SOS, SEX, USA, XER, XYE, ZEK, GEY, GEI, GAY, JID, GON, GAD, CON, QUM, GOD, EBI, EPT, IIM, GOS, IIN, QAS, OON, XUI, QR, HUY, ISK, HYI, QYS, XUY, JUN, XER, BOQ, QUL, SIK, QAN, SYK, JUT, QOR, QYQ, QOI, TYQ, JOI, JMI, JYN, GAI, IBU, VOR, EBU, BOP, FUK, FAK, FUC, FAC, IOX, IOH, LOX, LOH, COX, KOX, FBR, POX, KNB, MVD, OPG, EBR, AMM, SGL, ASS, HAX, NAX, AM, IB, KZ, PK, QU, KP, UD, WX, TG, NS, CS, PV, AK, WK, JO, AQ, AO, RK, NN, BS, ST, BA, AW, AP, AE, AX.

Бұл әріптік комбинациялар жеке және заңды тұлғалар үшін қолжетімсіз, өйткені олардың айтылуы немесе жазылуы сөйлеу мәдениетіне сәйкес келмейді.

Сонымен қатар, Қазақстанда "жоғары сұранысқа ие нөмірлер" категориясы бар. Бұл санатқа әдемі әріптік немесе сандық комбинациялары бар нөмірлер жатады. Мұндай нөмірлер көлік иелері арасында үлкен қызығушылық тудырады.

Жоғары сұранысқа ие нөмірлердің бағасы 210 330 теңгеден 1 051 650 теңгеге дейін өзгереді. Ең қымбат нөмірлер қатарына мыналар кіреді: 001, 002, 003, 004, 005, 006, 007, 008, 009, 777 бірдей әріптік белгілермен.

Жыл сайын осындай нөмірлерге деген қызығушылық артып келеді.

Ресми мәліметтер бойынша:

• 2022 жылы 25 366 МТНБ берілген;
• 2023 жылы 29 653 МТНБ берілген (16 пайызға өскен);
• 2024 жылы 44 273 МТНБ беріліп, 2023 жылмен салыстырғанда 49,3 пайызға артқан.

Осылайша, екі жыл ішінде VIP-нөмірлер беру көлемі екі есеге жуық өскен.