Аутизмді ерте анықтау жолдары қандай? Маман кеңес берді

Алматыдағы аутизм орталығы басшысының орынбасары Марина Забродина аутизм спектрінің бұзылуы (АСБ) және даму ерекшеліктері бар балалармен жұмыс істеу тәсілдері туралы айтты, - деп хабарлайды Massaget.kz тілшісі.

Сарапшының пікірінше, ата-аналар назар аударуы қажет алғашқы белгілердің қатарына мыналар жатады:

• тіктеп қарамау;
• өз атын атағанда назар аудармау;
• ым-ишара білдіре алмау;
• қол бұлғау, заттарды бір қатарға қою;
• қауіпті сезбеуі;
• агрессия.

Маманның сөзінше, ата-аналар осындай ерекшеліктерді неғұрлым ертерек байқап, мамандарға жүгінсе, баланың қоғамға еніп кету мүмкіндігі соғұрлым жоғары болады. 

Марина Забродина аутизм белгілері бар балалармен қалай дұрыс қарым-қатынас жасау керек екенін айтты:

• сабырлы және мұқият болу;
• баланың айналасын қауіпті заттардан тазарту;
• бала мен оның ата-анасына шамадан тыс назар аудармау.

Сонымен қатар, мұндай жағдайда ата-аналарға ескерту жасауға, кеңес беруге, балаға ойыншық немесе тамақ ұсынуға, айғайлауға немесе шұғыл қызметтерді себепсіз шақыруға болмайды.