Қазақстанда жаңа мереке күндері пайда болды

Еңбек және халықты әлеуметтік қорғау министрлігі "Кәсіби мерекелердің тізбесін бекіту туралы" бұйрыққа өзгерістер енгізуді мақұлдады, - деп хабарлайды Tengrinews.kz тілшісі.

Құжатқа сәйкес, Қазақстанда жаңа мерекелер пайда болды:

• Қаржылық мониторинг органдары күні – 28 қаңтар;
• Теңіз және өзен көлігі қызметкерлерінің күні – шілденің бірінші жексенбісі;
• Теміржол көлігі қызметкерлері күні – тамыздың бірінші жексенбісі;
• Бақылау-өлшеу аспаптары мен автоматика саласы қызметкерлері күні – қыркүйектің екінші жексенбісі;
• Қазақстан Республикасының техникалық және кәсіптік, орта білімнен кейінгі білім беру қызметкерлері күні – 2 қазан;
• Автомобиль көлігі қызметкерлері күні – қазан айының соңғы жексенбісі;
• Автожол саласы қызметкерлерінің күні – қазан айының соңғы жексенбісі;
• Бухгалтерлік есеп және аудит саласы қызметкерлері күні;
• Қылмыстық-атқару жүйесі қызметкерлері күні – 13 желтоқсан.

Сонымен қатар, аталған мерекелер Үкіметтің 2024 жылғы 16 тамыздағы №668 қаулысымен бекітілгеніне байланысты Ұлттық баспасөз күні мен Радио күні аталған тізімнен алып тасталды.