Қазақстанның бір өңірінде жыл басынан бері 200-ден аса жол-көлік оқиғасында балалар болған

Жыл басынан бері Абай облысында 200-ден аса жол-көлік оқиғасында балалар болған. Апат салдарынан үш бала қаза тауып, 287-сі жарақат алды, - деп хабарлайды Polisia.kz.

Облыста жол-көлік оқиғаларының жалпы саны 786 оқиғаға жеткен, оның 231-і кәмелетке толмағандармен байланысты. Жол-көлік оқиғаларының негізгі себебі – ересектердің балалардың жолдағы жүріс-тұрысына мән бермеуі және жол қозғалысы ережелерін сақтамауы.

Ведомство жүргізушілерді әсіресе балалар көп жүретін мектеп, балабақша мен қоғамдық көлік аялдамалары сияқты жерлерде абай болуға шақырады.

"Ата-аналарға балаларымен үнемі профилактикалық әңгіме жүргізіп, жол қозғалысы ережелерін сақтаудың маңыздылығын түсіндіру ұсынылады".