ПОДЕЛИТЬСЯ
Ішкі істер министрінің орынбасары Санжар Әділов кәмелетке толмағандардың өліміне әкеп соққан жол-көлік оқиғаларынан кейін қалаларда жүк көліктерінің қозғалысына тыйым салу өтініштеріне қатысты пікір білдірді, деп хабарлайды Tengri Auto.
Ішкі істер министрінің орынбасары Санжар Әділов кәмелетке толмағандардың өліміне әкеп соққан жол-көлік оқиғаларынан кейін қалаларда жүк көліктерінің қозғалысына тыйым салу өтініштеріне қатысты пікір білдірді, деп хабарлайды Tengri Auto.
Шымкент пен Астанадағы кәмелетке толмағандардың өмірін қиған атышулы жол апаттарынан кейін Мәжіліс кулуарында журналистер Санжар Әділовтен қалаларда жүк көліктерінің қозғалысына шектеулер енгізу жоспарланған ба деп сұрады.
Министр орынбасарының айтуынша, жол-көлік оқиғасы фактісі бойынша қылмыстық іс тергеліп жатыр.
"Екі факті бойынша да Қылмыстық кодекстің 345-бабы 3-бөлігі бойынша жедел түрде қылмыстық істер қозғалды. Шымкенттегі жол апатынан кейін жүргізуші ұсталып, уақытша ұстау изоляторына қамалды. Қазіргі уақытта қажетті сот-техникалық сараптамалар тағайындалып, тергеу іс-шараларының кешені жүргізіліп жатыр. Тергеу барысы бақылауда және заңда белгіленген мерзімде аяқталады", - деп жауап берді Санжар Әділов.
Сондай-ақ ол қазіргі уақытта оқиға себептерін анықтау үшін тергеу амалдары жүргізіліп жатқанын айтты.
"Әрбір қылмыстық іс бойынша тергеушілер сотқа дейінгі тергеп-тексеру аясында құқықбұзушылықтың жасалуына ықпал етуі мүмкін мән-жайлар мен факторларға міндетті түрде талдау жасайды. Осы жұмыстың нәтижесі бойынша ҚР ҚПК-нің 200-бабында көзделген тәртіппен анықталған себептер мен жағдайларды жою туралы тиісті ұсыныстар шығарылады", - деп атап өтті ол.
Қалаларда жүк көліктерінің жүруіне тыйым салына ма?
Қалалардағы жүк көлігінің қозғалысы туралы мәселеге пікір білдіре отырып, Санжар Әділов жүк көліктерінің кіруіне толық тыйым салу мүмкін емес екенін айтты.
Оның сөзінше, мұндай көліктер құрылысқа, коммуналдық шаруашылыққа, логистикаға және қалалық инфрақұрылымның жұмысын қамтамасыз етуге жұмылдырылған.
"Қала ішіндегі жүк көліктеріне келетін болсақ, бізде көліктердің, оның ішінде жүк көліктерінің қозғалысын нақты реттейтін Жол жүрісі қағидалары бар. Бүгінде еліміздің әлеуметтік-экономикалық тұрғыдан қарқынды дамып жатқанын көріп отырмыз. Сондықтан жүк көліктерінің кіруіне және қозғалысына толық тыйым салу мүмкін емес, өйткені олар құрылыс пен инфрақұрылымды дамытуға байланысты ауқымды жұмыстарды атқарады", - деп жауап берді Санжар Әділов.
Тағы оқыңыз: Екібастұзда кішкентай бала көтерген әйелді ГАЗель қағып кетті
Пікірлерді оқу