Google жүргізушісіз басқарылатын жаңа көліктерін көрсетті

Google корпорациясы жүргізушісіз басқарылатын көліктерінің жаңа дизайнын ұсынды. Суреттер компанияның ресми сайтына жарияланды.

Кішігірім автомобильдердің пішіні жарты шеңбер. Көліктердің есігінде қалалық пейзаж, саябақтардың суреттері, адамдар, гүлдер, құстар мен аттракциондар бейнеленген. Бұл эскиздер Калифорния суретшілері арасында өткен байқаудың қорытындысы бойынша таңдалған. Жеңімпаздардың әрқайсысына 500 доллардан берілді.

Айта кетейік, 2011 жылы Google компаниясы көлік шығаратын компаниясының негізін құпия түрде қалады. Автокөлік өндірісін Крис Армсон басқарады.