Илон Маск Tesla компаниясының күтпеген өнімін таныстыруға уәде берді

Tesla мен Space X компанияларының негізін қалаушы Илон Маск 17 қазанда Tesla компаниясының күтпеген өнімін таныстыруға уәде берді.

"Tesla компаниясының өнімі 17 қазанда шығады деп күтіледі (көпшілік үшін бұл ойламаған өнім болады)", - деп жазды Маск Twitter желісіндегі парақшасында.

Business Insider басылымының болжауынша, компанияның жана өнімі электрмобильдерге жол белгілері мен бағдаршамдардың сигналдарын ажырата алатындай мүмкіндік береді. Сондай-ақ, басылымның мәліметінше, Tesla көліктерін қуаттайтын Powerwall and Powerpack құрылғысының таныстырылымы өтуі мүмкін.

Айта кетейік, осыған дейін Tesla компаниясының 2017 жылы жолаушылар көлігі мен жүк көлігін таныстыратыны хабарланған болатын.