+7 (777) 001 44 99
Қазақша
Русский
English
25 шілде 2019 | 15:40
"Елбасы және халқы" атты кітап жарыққа шықты
Еліміздегі этностар арасында құрылған бірегей байланыс, мемлекет тарихындағы биік белестер, аса ауқымды жобалар, жеңісті әрі жемісті сәттер туралы жазылған кітаптың тұсауы кесілді, - деп хабарлайды "Хабар 24".
ПОДЕЛИТЬСЯ
Еліміздегі этностар арасында құрылған бірегей байланыс, мемлекет тарихындағы биік белестер, аса ауқымды жобалар, жеңісті әрі жемісті сәттер туралы жазылған кітаптың тұсауы кесілді, - деп хабарлайды "Хабар 24".
Қазақстан халқы Ассамблеясы ел өміріндегі айтулы оқиғаларды арқау етіп, "Елбасы және халқы" атты жаңа кітап шығарды. Бас қаладағы Тұңғыш Президент кітапханасында өткен шарада еліміздің қалыптасып, даму кезеңіндегі әрбір белес Нұрсұлтан Назарбаевтың есімімен тікелей байланысты екені атап өтілді. Әсіресе ұлтаралық татулық пен бірлікті басты ұран еткен Қазақстан халқы Ассамблеясы сынды институттың құрылуы әлемге "Назарбаевтың моделі" деген атпен әйгілі болғаны алға тартылды.
"Осының өзі мемлекет әрі біркелкі ұлт ретінде қалыптасып, өзара алауыздықтың туындауына жол бермеді", - дейді ассамблея мүшелері.
"Кітап үш тараудан тұрады. Алғашқысында Елбасының Қазақстан халқы Ассамблеясының сессияларында сөйлеген сөздері жинақталды. Екіншісіне Тұңғыш Президент жанында жүріп, қызметтес болған жандардың пікірлері, ал үшіншісіне этно-мәдени бірлестік өкілдерінің алғыстары топтастырылды", - дейді ҚХА төрағасының орынбасары, ҚР Президенті әкімшілігі ҚХА хатшылығының меңгерушісі Жансейіт Түймебаев.
Показать комментарии
Читайте также
