AIBA президенті қазақстандық боксшылар туралы өз ойын айтты

Халықаралық әуесқой бокс қауымдастығының (AIBA) президенті Чинг-Куо Ву Қазақстандық бокс федерациясының баспасөз қызметіне берген сұхбатында қазақстандық боксшылардың Гамбургтегі әлем чемпионатында көрсеткен өнеріне бағасын берді, - деп хабарлайды Vesti.kz.

Қазақстан жарысқа барлық салмақтағы боксшыларын аттандырған аздаған елдердің қатарында екенін айта кетейік. 

"Екі ай бұрын ғана Бүкіләлемдік бокс сериясы WSB финалында болдым. Бұл жарыс Қазақстанның турнирлерді ең жоғары деңгейде өткізе алатынына тағы бір дәлел болды. Сіздің боксшыларыңыз жауынгер және өте шебер. Қазақстандықтар турнир медальдарына әбден қол жеткізе алады. Командаларыңыз мықты және он салмақ бойынша да боксшыларды аттандырыпсыздар", - дейді Ву. 

Сонымен қатар, Чинг-Куо Ву Халықаралық олимпиада комитетінің әйелдер жұдырықтасатын салмақ дәрежелерінің санын арттыру туралы ұсыныс жасауы ерлердің салмақ дәрежелерінің санына еш әсер етпейтінін айтты. AIBA басшысы Қазақстандағы бокстың дамуына қатысты да өз ойын айта кетті. 

"Қазақстан әлемдік бокста үнемі алдыңғы қатарда. Тимур Құлыбаев - қазақстандық спортқа жақсы басшы. Оның осы орынға келуімен бокстың дамуы арта түсті. Егер осы қалыптан таймасаңыздар үлкен жарыстарда жүлделі орындардан құр қалмайсыздар деген ойдамын", - деп аяқтады ол.