Әлем чемпионы мен оның бапкері Астанадағы турнирде төрешіні ұрып-соқты

Қазақстан бокс федерациясының Астанада өткен Кубогында жекпе-жек даумен аяқталды. Оқиға турнирдің ширек финалында болған, - деп хабарлайды Vesti.kz.

Жамбыл облысының тумасы Аман Қазанғапов пен жасөспірімдер арасындағы елордалық әлем чемпионы Рахат Маржықпаевтың кездесуі аяқталғаннан кейін соңғысының бапкері рефериге жақындап келіп, наразылығын айта бастайды, ал кейін ішінен, басынан соққы жасайды. Артынша төрешінің де жұдырық сермегенін байқауға болады.

Осыдан кейін әлем чемпионы жүгіріп келіп, рефериді ұрғылай бастайды. Алайда оларды залдағы көрермендер мен күзетшілер ажыратып алады.

Кездесуді мына видеодан тамашалауға болады. Басталу уақыты - 2:17:50.