+7 (777) 001 44 99
Қазақша
Русский
English
17 қыркүйек 2022 | 12:18
"Алғашқы жекпе-жекте денеме суретін салғыздым". Ақтөбелік GGG фанатының тарихы
Геннадий Головкиннің жанкүйерлері оны мексикалық Сауль Канело Альвареске қарсы трилогияда қолдау үшін Лас-Вегаста жиналды, - деп хабарлайды Tengrinews.kz тілшісі.
ПОДЕЛИТЬСЯ
Геннадий Головкиннің жанкүйерлері оны мексикалық Сауль Канело Альвареске қарсы трилогияда қолдау үшін Лас-Вегаста жиналды, - деп хабарлайды Tengrinews.kz тілшісі.
Олардың ішіндегі ең танымалдарының бірі - қазақстандық Ержан Тойлыбай. Ол 20 жылдан аса уақыт бойы GGG-ға жанкүйер болып келе жатыр, тіпті денесіне оның суретін салдырған.
"Өзім жас кезімде бокспен айналыстым, Геннадий Головкинді Қазақстан құрамасынан бері қолдадым. Оның бокс өнері ұнайды. Оның алғашқы жекпе-жегі Лондондағы О2 аренасында өтті. Мен ол жерге жұмыстарыммен бардым және жекпе-жекке қатысу сәті түсті. Онда Геннадий өз жұмысын беске орындады, Келл Брукті нокаутқа жіберді. Ал қазір отбасыммен АҚШ-та тұрамын және мүмкіндігінше оның жекпе-жектеріне қатысамын", - дейді Ержан.
Ержанның қыздары АҚШ-та дүниеге келген, бірақ GGG-ға жанкүйер.
"Геннадий Головкиннің жанкүйерімін, сөйтіп, татуировка жасауды шештім. Ол Канеломен алғашқы жекпе-жегін өткізгенде, анық жеңді. Бірақ тең ойын көрсеті деген шешім шығарылды, бұл мені қатты толқытты, сол сәтті есте сақтағым келді. Дәл сол алғашқы жекпе-жекте денеме суретін салғыздым", - деп еске алады Ержан.
Ол денесіне суретті Қазақстанда салғызған. Головкиннің жанкүйері Флоридадан Лас-Вегасқа трилогия үшін келген. Жекпе-жек билеті 800 доллар болған. Бірақ Ержанның жолы болған, өйткені ол бірнеше жыл бұрын кумирімен жеке танысқан.
"Нью-Йорктегі жекпе-жекте рингке көтерілудің сәті түсті. Менде оның суреті болғандықтан, оның менеджерлері мені байқады. Рингте Геннадиймен жеке танысамын. Одан кейін отбасыммен Флоридадағы оқу-жаттығу жиынына бардым. Геннадий Головкин өзінің осындай жанкүйері - ақтөбелік Ержан Тойлыбай бар екенін білгеніне қатты қуаныштымын", - дейді ол.
Айта кетейік, бәсекелестердің үшінші айқасы тағы да T-Mobile аренасында өтеді. Қазақстандық уақыт бойынша жекпе-жек 18 қыркүйекте, жексенбіде таңертең өтеді және Qazaqstan және Qazsport телеарналарының тікелей эфирінде көрсетіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
