Әлімханұлы жеңілмеген әлем чемпионын жекпе-жекке шақырды

Қазақстандық Жәнібек Әлімханұлы ресми түрде WBO тұжырымы бойынша әлем чемпионы атағын алғаннан кейін WBC титулына ие жеңілмеген америкалық Джермалл Чарлоны жекпе-жекке шақырды, - деп хабарлайды Tengrinews.kz тілшісі Vesti.kz сайтына сілтеме жасап.

"Чарломен жекпе-жекке шығып, WBC чемпионы атағын алғым келеді! Бұл айтарлықтай жеңіл жұмыс! Бәрі біледі, бұл жеңіл жұмыс десем, демек, шынымен жеңіл. Иншалла!" - деп жазды Жәнібек Твиттерде.

Еске салайық, бұған дейін орта салмақтағы қазақстандық Жәнібек Әлімханұлы (12-0, 8 КО) ресми түрде WBO (Дүниежүзілік бокс ұйымы) нұсқасы бойынша әлем чемпионы деп танылғаны хабарланған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!