Альварес 2017 жылы Головкинмен жұдырықтасуды жоспарлап отыр

Мексикалық боксшы Сауль "Канело" Альварес (48-1-1, 34 КО) 2017 жылы Геннадий Головкинмен жұдырықтасуды жоспарлап отыр, - деп хабарлайды Vesti.kz ESPN тілшісі Салварадо Санчестің мәліметіне сілтеме жасап.

2017 жылы "Канело" жалпы үш жекпе-жек өткізгісі келеді екен. Боксшы қарсылфастарын мына рет бойынша таңдап отыр-мыс: отандасы Хулио Сезар Чавес, қазақстандық Геннадий Головкин және пуэрториколық Мигель Котто.

Сонымен қатар, ол Чавестің орнына ұлыбританиялық Билли Джо Сондерс таңдауы мүмкін. Себебі Альварес таяуда орта салмақтағы WBO тұжырымы бойынша чемпиондық белбеуге міндетті үміткер. "Канелоның" Головкинмен жекпе-жегі қыркүйекке белгіленген, ал Коттомен, соған қарағанда, желтоқсанда кездесуі мүмкін.