Америкалық боксшы Головкиннің соққысы жайлы - "Иықтан ұрып еді, жансызданып қалды"

Бірінші орта салмақта жұдырықтасатын америкалық Антонио Уэйд қазақстандық Геннадий Головкинге украиналық Сергей Деревянченкоға қарсы жекпе-жекке дайындалуға көмектесіп жатыр, - деп хабарлайды ibtimes.com.

Калифорниядағы Big Bear лагеріндегі жаттығудан кейін ол GGG соққысының ауырлығы туралы айтып берді.

"Денеңде қан жүрмей, жансызданып қалады. Сол хукпен иығымнан ұрған еді, жансыз боп қалды, рас айтам", - дейді Уэйд.

Еске салайық, Головкин 5 қазанда украиналық Сергей Деревянченкомен жұдырықтасып, орта салмақта IBF титулын сарапқа салады.