АҚШ-та бокс жанкүйерлері шаршы алаңда төбелесті

Лос-Анджелесте Golden Gloves (алтын қолғап) әуесқой бокстан өткен жарыста бір жекпе-жектен кейін қарсыластардың жанкүйерлерінің арасында жанжал шықты. 

Жергілікті БАҚ өкілдерінің мәліметінше, жанжалға гонгтан кейін жасалған соққы себеп болған. Куәгерлердің мәліметінше, жекпе-жекке шыққан боксшылардың бірі Армения тумасы Давид Зырян болған. 

Төбелес кезінде қолға ілінген заттардың барлығы қолданылған - видеода бір әйел өз қарсыласының арқасынан үстелмен екі рет ұрады. Төбелес аяусыз болғанымен, ауруханаға ешкім түспеген. Сондай-ақ, ең қызығы полиция ешкімді ұстамаған, ал жарыс қайта жалғасқан.