Асқар Мамин президенттік сайлауда дауыс берді

Үкімет басшысы Асқар Мамин Нұр-Сұлтан қаласындағы "Астана" концерт залында орналасқан №138 сайлау учаскесіне келіп, дауыс берді, - деп хабарлайды "Хабар 24". 

Премьер-министр аталған сайлау учаскесінде тіркелгенін растап, бюллетень алды және кезекте тұрғанда қала тұрғындарымен сөйлесті. Дауыс беріп болған соң Асқар Мамин халықаралық байқаушылармен кездесіп, пікір алмасты.

ҚР Президентінің кезектен тыс сайлауында ел ішінде және шет елдерде 9 мың 968 дауыс беру учаскесі жұмыс істеп жатыр.