"Астана Арланс" клубының аргентиналықтармен жұдырықтасатын боксшылары анықталды

Бокстан WSB жобасының алтыншы турында кездесетін "Астана Арланс" және "Аргентина қырандары" клубтарының құрамы белгілі болды, - деп хабарлайды "Алаш айнасы".

"Астана Арланс" AIBA-ның WSB жобасының алтыншы турындағы кездесуін Аргентина клубымен өткізеді. Бұл кездесу 21 ақпан күні Алматыдағы Балуан Шолақ атындағы спорт сарайында өтеді. Басталу уақыты - 17:30.

"Астана Арланс" - "Аргентина қырандары":

52 келі: Азамат Исақұлов - Рикардо Ибарра

60 келі: Роман Щегринов - Брайан Нуньес

69 келі: Данияр Елеусінов - Луис Верон

81 келі: Хрвое Сеп - Хосуе Оливера

+91келі: Филип Хргович - Карлос Ортега

Еске сала кетейік, бұған дейін "Астана Арланс" клубы "Пуэрто-Рико дауылдарын" айқын басымдықпен жеңген болатын. Қазақстандық клуб турнир кестесінде бесінші жеңісіне қол жеткізді.