БАҚ-та Айдос Ербосынұлының ауыр нокауттан кейінгі жағдайы айтылды

Комаға түскен қазақстандық кәсіпқой боксшы Айдос Ербосынұлының (16-1, 11 КО) жағдайы туралы жаңалық шықты, - деп хабарлайды Tengri Sport.

Ербосынұлы кубалық Дэвид Моррелмен (8-0, 7 КО) жекпе-жектің 12-раундында нокаутпен жеңілген еді.

"Айдос Ербосынұлы туралы ақпарат келіп түсті. Ол жүріп жүр, сөйлей алады және реакциясы бар. Көңіл күйі жақсы", - деп жазады америкалық инсайдер Дэн Каноббио.

Айта кетейік, бұған дейін Ербосынұлы әлеуметтік желіде қолдау жасағандарға жауап беріп, оның командасы боксшының жағдайы туралы мәлімдеме жасаған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!