Бақытжан Сағынтаев Қанат Исламның жеңісі туралы пікір білдірді

Алматы қаласының әкімі Бақытжан Сағынтаев Instagram желісіндегі парақшасында Қанат Исламның кездесуінен алған әсерімен бөлісіп, боксшымен түскен суретін жариялады, - деп хабарлайды Tengrinews.kz тілшісі. 

"Қанат Ислам бірінші орта салмақтағы WBO International белбеуі үшін намибиялық боксшы Уолтер Каутондоквамен жұдырықтасты. Оңайға соқпаған 10 раундтық жекпе-жек пен жанкүйерлердің толқынысы. Бірақ Қанат жеңіске деген жігері мен қайтпас қайсар мінезін көрсете білді. 27-жеңіс құтты болсын, Чемпион!", - деп жазды Сағынтаев. 

Алматыда Балуан шолақ атындағы спорт сарайында өткен бокс кешінде олар қос боксшы WBO International белбеуі үшін жекпе-жекке шықты. 10 раундқа созылған жұдырықтасу қорытындысы бойынша, төрешілер жеңісті Канат Исламға берді.

Қанат Исламның қарсыласы өз жеңілісінің әділетсіз екенін айтты