Билли Джо Сондерс бірінші рет АҚШ-та жұдырықтасады

Екінші орта салмақта WBO чемпионы ұлыбританиялық Билли Джо Сондерс (28-0, 13 КО) шарыш алаңға 9 қарашада оралады, - деп хабарлайды Vesti.kz. 

Ұлыбританиялық боксшы АҚШ-та алғаш рет жұдырықтаспақ. Сондерстің қарсыласы аргентиналық Марсело Эстебана Косерес (28-0-1, 15 KO) болады.

Лос-Анджелестегі Staples Center аренасындағы жекпе-жекке Сондерске тиесілі WBO белбеуі бәске тігіледі. 

Сондерс соңғы рет мамырда Ұлыбританияда жұдырықтасып, Шефат Исуфиді (27-4-2, 20 КО) төрешілер шешімімен жеңген еді.