Боксшы Сұлтан Зәуірбек WBC Youth белбеуіне ие болды

Кәсіпқой боксшы Сұлтан Зәуірбек қытайлық Лешан Лимен жекпе-жек өткізді, - деп хабарлайды "Хабар24".

Агенттіктің мәліметінше, кездесу нәтижесі бойынша төртінші раундтан кейін қытайлық команда жекпе-жектен бас тартып, Лидің жеңілгенін мойындады. Осылайша Сұлтан Зәуірбек кәсіпқой рингтегі 9-жеңісіне қол жеткізіп, екінші жеңіл салмақтағы WBC Youth белбеуіне ие болды.

"Жеңісімді еліме арнаймын. Баршаңызды Қазақстанның Тәуелсіздік күнімен құттықтаймын", - деді боксшы жекпе-жектен кейін.