Бұрынғы чемпион Геннадий Головкинге қатысты "ауыр" сын айтты

Орта салмақтағы WBO тұжырымы бойынша бұрынғы әлем чемпионы Дмитрий Пирог (20-0, 15 КО) қазақстандық боксшы Геннадий Головкинді сынап тастады, - деп хабарлайды Vesti.kz сайтының қазақ бөлімі.

"HBO Головкиннен құбыжық жасады. Телеарна да, сарапшылар да оны әр жекпе-жегін уақытынан бұрын аяқтайтын құбыжыққа теңеді. Тіпті, Майк Тайсонның жас кезіне ұқсатты. Оның мексикалық мәнерде жұдырықтасатынын айтты. Бірақ менің байқауым бойынша, Гена бұл образға кіріп кеткені соншалық, барлығы психологиялық тұрғыда жұмыс істейді. Головкин, өкінінше қарай, боксшы ретінде дамып жатқан жоқ. Өз басым мұны көрмедім, - деді Дмитрий Пирог ресейлік тілші Владислав Усачевтің YouTube арнасына берген сұхбатында.