Чавесті жеңген Альварес Головкинмен қыркүйекте жұдырықтасатынын мәлімдеді

Мексикалық боксшы Сауль "Канело" Альварес отандасы Хулио Сезар Чавесті жеңді, - деп хабарлайды Vesti.kz.

Лас-Вегастағы T-Mobile аренасында өткен бокс кешінің басты жекпе-жегі болған кездесу 12 раудқа созыдып, қазылар алқасының шешімімен 120-108 есебімен Альварес жеңімпаз деп танылды. 

Айта кетейік, сегізінші раундта Чавестің сол көзі соққыдан ісініп, толықтай жабылып қалуға аз қалды. 

Ал жекпе-жек аяқталған кезде "Канело" Головкинмен қыркүйекте жұдырықтасатынын мәлімдеді.

"Головкин, сен келесісің", - деп мәлімдеді Альварес. Осылайша Альварес пен Головкин 16 қыркүйекте жұдырықтасады.