+7 (777) 001 44 99
Қазақша
Русский
English
16 наурыз 2019 | 11:50
Данияр Елеусінов АҚШ-та тәжірибелі мексикалық боксшыны жеңді
Қазақстанның Олимпиада чемпионы Данияр Елеусінов мексикалық Сильверио Ортисті жеңді, - деп хабарлайды Vesti.kz тілшісі.
ПОДЕЛИТЬСЯ
Қазақстанның Олимпиада чемпионы Данияр Елеусінов мексикалық Сильверио Ортисті жеңді, - деп хабарлайды Vesti.kz тілшісі.
Жекпе-жек Филадельфиядағы (Пенсильвания штаты, АҚШ) Liacouras Center аренасындағы бокс кешінде болды.
Жартылай орташа салмақтағы Елеусінов-Ортис жекпе-жегі барлық сегіз раундқа созылды. Төрешілер жеңісті бірауыздан 79-70, 79-71 және 79-71 көрсеткішімен қазақстандыққа берді.
Жетінші раундта Елеусінов қарсыласын нокдаунға жіберді, бірақ мексикалық жігіт тым төмен түскен кезде ол артық соққы жібергені үшін бір ұпайдан айрылды. Төрешілер Ортис есін жиғанша біраз уақыт беріп, дәрігер шақыртты, ол кейін мексикандыққа жекпе-жекті жалғастыруға рұқсат берді.
28 жастағы Елеусіновтің еншісінде алты жекпе-жектен алты жеңіс (үш нокаутпен) бар, ал 36 жастағы Ортис карьерасындағы 24-ші жеңіліске ұшырады, сондай-ақ, оның активінде 37 жеңіс (18 нокаутпен) бар.
2019 жылдың алғашқы жекпе-жегі Елеусінов үшін кәсіби карьерасындағы ең ұзағы болды. Бұған дейін 2018 жылы қарашада ол никарагуалық Маркос Мохикамен (16-3-2, 12 КО) сегіз раунд форматында жұдырықтасқан, бірақ үшінші раундта нокаутпен жеңді.
Елеусінов профиде алғаш рет сәуірде өнер көрсеткен. Алты жекпе-жектің үшеуін АҚШ-та, екеуін Ұлыбританияда және біреуін Монакода өткізген.
Уалихан Қосанбай
Показать комментарии
Читайте также
