Доминикан боксшысы қазақстандықтың иығынан тістеп алды

Қазақстандық боксшы Ержан Залилов пен Алекс Мора арасында өткен жекпе-жектің толық видеосы жарияланды, -деп хабарлайды Vesti.kz. 

Олар желтоқсанның 17-нен 18-не қараған түні Бильбао (Испания) қаласында кездесті. Кездесу жетінші раундта доминикан боксшысының алаңнан қуылуына байланысты аяқталды. Осылайша, Залилов өзінің спорттық мансабындағы бесінші жеңісіне қол жеткізді. 

Осыған дейін, Залиловтың айтуынша, жетінші раундта клинч кезінде Мора оның иығын тістеп алған, сол үшін де алаңнан қуылған. Сонымен қатар, ол өз қарсыласын екінші раундта нокдаунға түсірген.