1. Басты
  2. Біл
  3. Спорт
  4. Бокс

Елеусінов WBC-дің бұрынғы чемпионымен жұдырықтасады

© instagram.com/yeleussinovdaniyar © instagram.com/yeleussinovdaniyar

Жартылай орта салмақта жұдырықтасатын қазақстандық боксшы Данияр Елеусіновтің (8-0, 4 КО) келесі қарсыласы белгілі болды, - деп хабарлайды Vesti.kz

28 жастағы Елеусінов 20 желтоқсанда Финиксте (Аризона штаты, АҚШ) Talking Stick Resort аренасында жұдырықтасады. Қазақстандықтың қарсыласы 28 жастағы америкалық Алан Санчес (20-4-1, 10 КО) болмақ. Ол бұрын WBC Continental Americas чемпионы болған. Кездесу он раундқа жоспарланған. 

Елеусінов соңғы жекпе-жегін қыркүйекте Нью-Йоркте америкалық Решард Хикске (12-1-1, 6 КО) қарсы өткізіп, бірінші раундта нокаутпен жеңген. 

Айта кетейік, Елеусінов жұдырықтасатын бокс кешінің басты жекпе-жегінде америкалық Дэниэл Джейкобс (35-3, 29 КО) пен мексикалық кіші Хулио Сезар Чавес (51-3-1, 33 КО) қолғап түйістіреді.