Фируза Шарипова бастаған қазақстандық боксшылар Алматыда ашық жаттығу өткізді - Видео

Қазақстандық боксшы қыз Фируза Шарипова "питбуль" лақап атымен танылған бельгиялық Джемиля Гонтарюкке қарсы жекпе-жек алдында ашық жаттығу өткізді, - деп хабарлайды Vesti.kz тілшісі.

Жекпе-жек 30 желтоқсанда Алматыда өтеді, оған екінші жартылай салмақтағы IBO және WBC Silver белбеулері тігілген.

Сонымен қатар, ашық жаттығуға осы бокс кешінде жұдырықтасатын Әли Ахмедов, Ержан Залилов, Әли Балоев та қатысты.

"Алматы Аренада" бұл бокс кешіне билеттерді кассадан немесе ticketon.kz, kassir.kz, zakazbiletov.kz сияқты интернет-операторлардан алуға болады.

Еске салайық, Шарипова - Гонтарюк жекпе-жегі тіклей эфирде көрсетіледі. "Хабар" арнасындағы трансляция Астана уақыты бойынша 23:00-де басталады.