Флойд Мейвезер мансабындағы соңғы жекпе-жегінде жеңіске жетті

38 жастағы америкалық Флойд Мейвезер мансабындағы соңғы жекпе-жегінде Андре Бертоны жеңді, - деп хабарлайды Vesti.kz тілшісі.

Осылайша америкалық боксшы кәсіби рингтегі 49-шы жеңісіне қол жеткізіп отыр. 

Мейвезердің соңғы қарсыласы 31 жастағы Андре Берто болды. PPV-шоу аясындағы жекпе-жек Лас-Вегаста (АҚШ, Невада штаты) өтіп, 12 раундқа дейін созылды. Нәтижесінде Мейвезер кіші Бертоны 117-111, 118-110 және 120-108 есебімен жеңді.

Осылайша, Мейвезер кіші жартылай орта салмақта WBC және WBA тұжырымдары бойынша белбеулерін қорғап қалды.