+7 (777) 001 44 99
Қазақша
Русский
English
15 ақпан 2020 | 13:40
"GGG Қазақстанда жұдырықтасқысы келеді". Головкиннің промоутері соңғы жаңалықтарды айтты
Промоутер Эдди Хирн (Matchroom Boxing) IBF нұсқасы бойынша орта салмақтағы (72,6 келіге дейін) әлем чемпионы аты аңызға айналған қазақстандық Геннадий Головкин (40-1-1, 35 КО) міндетті үміткері поляк Камил Шереметамен (21-0, 5 КО) жекпе-жекті өз елінде өткізуді армандайтынын растады, - деп хабарлайды Vesti.kz.
ПОДЕЛИТЬСЯ
Промоутер Эдди Хирн (Matchroom Boxing) IBF нұсқасы бойынша орта салмақтағы (72,6 келіге дейін) әлем чемпионы аты аңызға айналған қазақстандық Геннадий Головкин (40-1-1, 35 КО) міндетті үміткері поляк Камил Шереметамен (21-0, 5 КО) жекпе-жекті өз елінде өткізуді армандайтынын растады, - деп хабарлайды Vesti.kz.
"Ол Қазақстанда жұдырықтасқысы келеді, - деп жазған vRINGe.com Matchroom Boxing басшысының сөзін келтіріп. - Алдымен осы жекпе-жекті сәуірде өткізуді жоспарладық, бірақ қазір мерзімді жылжытуға тура келді. Нақты шешім әлі қабылданған жоқ. Бізде Шереметамен жекпе-жекті АҚШ-та ұйымдастыру нұсқасы бар. Бұл бокс. Мұнда барлығы болуы мүмкін".
Қазақстандық боксшының Мексика супержұлдызы Сауль "Канело" Альвареспен (53-1-2, 36 КО) үшінші кездесу өткізгісі келетіні Хирннің есінде: "Канело" оппонент іздеп жатыр. Олар "мамырда жекпе-жек өткізейік" деcе, онда біз келісе алар едік. Бірақ олай болған жоқ. Үшінші жекпе-жекті олар алдын ала қыркүйек айына жоспарлады деп ойлаймын. Сондықтан, Геннадий алдымен Қазақстанда міндетті үміткерімен жекпе-жек өткізіп, "Канеломен" қыркүйекте кездеседі деген болжам жасадым".
Айта кетейік, Альварес пен Головкин Лас-Вегаста екі рет жұдырықтасқан. 2017 жылдың қыркүйегінде болған алғашқы жекпе-жек тең аяқталды. Ал бір жылдан кейін мексикалық спортшы ұпай бойынша жеңіп кетті.
Показать комментарии
Читайте также
