Головкин 2017 жылғы жекпе-жектерінің уақыттарын айтты

Қазақстандық Геннадий Головкин BoxingScene.com басылымына берген сұхбатында 2017 жылғы жекпе-жектерінің уақыттарын шамалап айтты, - деп жазады Vesti.kz.

"Үш немесе төрт жекпе-жек болады деп үміттенемін, бұл мүмкін. Наурыз, мүмкін - маусым, қыркүйек және желтоқсан. Бұл менің жоспарым, келісі жылға үлкен жоспарым", - деді Головкин.

2016 жылы Головкин екі жекпе-жек қана өткізіп, өзінің ең нашар көрсеткішін қайталады. Қазақстандық боксшы 2017 жылдың 18 наурызында Нью-Йорктегі Madisson Square Garden аренасында америкалық Дэниэл Джейкобспен кездеседі деп жоспарланған.

34 жастағы спортшы кәсіби боксқа 2006 жылы келген болатын. Ол 36 жекпе-жекте 36 жеңіске жетіп, 33 кездесуін нокаутпен аяқтаған. Головкинге орта салмақтағы барлық атақты иемдену үшін WBO белбеуін жеңіп алу ғана қалды.