Головкин Лемьемен жекпе-жекке қалай дайындалып жатыр

Орта салмақта WBA (Super), IBO және WBC (Interim) тұжырымдары бойынша әлем чемпионы Геннадий Головкин (33-0, 30 КО) Лос-Анджелесте IBF белбеуінің иегері Давид Лемьеге (34-2, 31 КО) қарсы жекпе-жегі аясында ашық түрдегі жаттығуын өткізді, - деп хабарлайды Vesti.kz тілшісі boxingscene.com басылымына сілтеме жасап.

© boxingscene.com

Еске сала кетейік, Давид Лемье мен Геннадий Головкин 17 қазанда Нью-Йорктегі Madison Square Garden аренасында жұдырықтасады. Бәске WBA (Super), IBO, WBC (Interim) және IBF чемпиондық белбеулері тігіледі. Сонымен бірге, бұл екі боксшының да PPV-дағы (ақылы трансляция жүйесі) бірінші кездесуі болмақ. Кездесуді "Қазақстан" телеарнасынан тікелей эфирде көруге болады.