Головкин мен Уэйд арасында өтетін жекпе-жекке он мыңнан аса билет сатылып кетті

Қазақстандық боксшы Геннадий Головкин мен Доминик Уэйд арасында өтетін жекпе-жекке он мыңнан аса билет сатылып кетті, - деп хабарлайды Vesti.kz. Лос-Анджелесте өтетін кездесуде аншлаг болады деп күтіліп отыр.

"Билеттер сатылымға шығарылған күннен бастап тез өтіп кетті. Кезекті аншлаг күтіп отырмыз. 17 қазандағы Madison Square Garden аренасында болған аншлаг қайталанады. Ол кезде Головкин 20 мың адам жинай алатынын дәлелдеген болатын. Жанкүйерлерге қазір асығуға кеңес береміз, себебі 30 доллар тұратын билеттер сатылып кетті", - деді Головкиннің промоутері Том Леффлер.