Головкин Мехикоға жасаған сапарынан қандай әсер алғанын айтты

WBA (Super), IBO, WBC және IBF тұжырымдары бойынша орта салмақтағы әлем чемпионы қазақстандық боксшы Геннадий Головкин Мехикоға жасаған сапарынан қандай әсер алғанын айтып берді, - деп хабарлайды Vesti.kz BoxingScene.com. басылымына сілтеме жасап.

"Емханада жатқан балаларға барғанда жүрегім елжіреді. Оларға сол күні осындай ерекше сәт сыйлау тамаша әсер қалдырды. Дәрігерлер мен медбикелерге, ем алып жатқан балалар мен олардың отбасыларына үлкен құрмет білдіремін. Оларды көріп, бір сәт көңілдерін көтеріп қайтқаным үшін алғыс айтамын", - деді Головкин.

Сондай-ақ, әлем чемпионы губернатордан ресми декларация алғанын құрмет тұтатынын айтты.

Еске сала кетейік, осыған дейін Бүкіләлемдік бокс кеңесінің (WBC) президенті Маурисио Сулейман Головкинді Мехикоға шақырған болатын. Сондай-ақ, Головкиннің қыркүйекте Мехикода болған жер сілкінісінен зардап шеккендерге көмектесетіні айтылған еді.