Головкин Парижде өзін жаттықтырушы ретінде сынап көрді

Қазақстандық боксшы Геннадий Головкин Париждегі сапарында өзін жаттықтырушы ретінде сынап көрді, - деп хабарлайды Vesti.kz.

Ол Франция астанасына 22 қарашада келген болатын. Бірінші күні Франция астанасында ол Jordan дүкенімен Эйфел мұнарасында болды. Сонымен қатар, ол жергілікті тілшілермен сұхбаттасып, атақты америкалық баскетболшы Рэй Алленмен кездесті. 

23 қарашада Головкин өзін жаттықтырушы ретінде сынап көрді. WBC, WBA, IBF және IBO нұсқалары бойынша орта салмақта әлем чемпионы журналисттерді бокс әліппесіне үйретті.  

"Геннадий Головкинмен ең ауыр соққылар мектебі", - деп жазды LeCloset.com Instagram желісінде.