Головкин WBN нұсқасы бойынша 2017 жылдың үздік боксшысы атануға үмітті

Танымал Worldboxingnews.net порталы бокс жанкүйерлерін 2017 жылдың үздік боксшысын анықтау үшін сауалнама ұйымдастырып отыр. Осы жылдың үздік деген 12 боксшысының қатарына қазақстандық боксшы Геннадий Головкин де бар.

"Тізімге сонымен қатар өткен жексенбі күні Давид Лемьені жеңген Билли Джо Сондерс те қосылып отыр. Сонымен қатар Сергей Ковалевті жеңіп, карьерасын аяқтаған америкалық Андре Уорд та бар.

Үздік атануға кәсіпқой бокста қатыранан 49 кездесуге жеңіліп көрмеген Ваенхонг Менайотин, Гильерме ригондоны жеңген Василий Ломаченко да кірген.

Сондай-ақ Джеральд Вашингтон мен Бермейн Стивернен үстем түскен Деонтей Уайлдер де бұл тізімге қосылған", - деп жазады басылым.

Портал ұсынған үздік боксшылар туралы толық ақпаратты мына сілтемеден көріп, дауыс бере аласыздар.