Головкин жыл сайынғы WBC конвенциясына қатысу үшін Қытайға барды

WBA (Super), IBF, IBO және WBC (Interim) тұжырымдары бойынша орта салмақта әлем чемпионы Геннадий Головкин жыл сайынғы WBC конвенциясына қатысу үшін Қытайға барды, - деп хабарлайды Vesti.kz  ВКонтакте әлеуметтік желісіндегі "Геннадий GGG Головкин" тобына сілтеме жасап.

Бүкіләлемдік бокс кеңесінің (WBC) конвенциясы 1-7 қараша аралығында Қытайда өтеді. Головкин қазіргі кезде Мигель Котто иелік ететін WBC белбеуіне негізгі үміткер болып отыр.

Головкин Лео Санта Круспен бірге

Айта кетейік, Геннадий Головкин мен бапкерлері келесі кездесуін 2016 жылдың ақпан айында өткізуді жоспарлап отыр. Сауль Альварес пен Мигель Котто арасындағы жекпе-жектің жеңімпазы отандасымызбен жұдырықтасуы тиіс.