"Головкинді де, Альваресті де сабайды". IBF чемпионы орта салмақтың жаңа жұлдызы жайлы

Жартылай орта салмақта IBF чемпионы Эррол Спенс (24-0, 21 КО) отандасы Джермалл Чарлоның (27-0, 21 КО) орта дивизиондағы ең басты тұлғаға айналарына сенімді, - деп хабарлайды vringe.com.

Спенстің ойынша, Чарло қазірдің өзінде қазақстандық Геннадий Головкин мен мексикалық Сауль "Канело" Альваресті жеңе алады.

"Айтып тұрмын ғой, Джермалл Головкинді де, Альваресті де сабайды. Головкин аяқ-асты Чарломен жұдырықтасуға келіскенін естісем, таңданар едім. Бірақ ол жігітке мүмкіндік берсе, GGG мен "Канелоны" да сабар еді. Оған бәс тігуге дайынмын", - дейді Сленс.

Еске салайық, Чарло WBC тұжырымы бойынша "уақтыша" чемпион және Головкинмен жұдырықтасуға үміткерлердің бірі. Ал жеңіліп көрмеген қазақстандық боксшы 15 қыркүйекте Лас-Вегаста өтетін "Канеломен" жекпе-жекке дайындыққа кіріседі.