Головкинге "Канелодан" кейінгі бес қарсылас таңдалды

Британиялық Mirror таблойды мексикалық Сауль "Канело" Альвареспен (49-1-2, 34 КО) жекпе-жектен кейін WBC, WBA (Super) және IBO чемпионы Геннадий Головкинмен (38-0-1, 34 КО) жұдырықтасуы мүмкін бес боксшының тізімін ұсынды, - деп хабарлайды Vesti.kz.

Боксшылардың қарымтасы 15 қыркүйекте Лас-Вегастағы T-Mobile аренасында өтеді. Бұл жекпе-жекке Головкин барлық белбеуін тігеді. Сонымен қатар, жеңімпаз The Ring журналының және WBC ұйымының арнайы белбеуіне ие болады.

Mirror ұсынған қарсыластар мынау:

1. Давид Лемье - Гэри "Спайк" О'Салливан жекпе-жегінің жеңімпазы. Олар Головкин - Альварес қарымтасының андеркартында жұдырықтасады. Канадалық боксшы2015 жылы Головкинмен жұдырықтасып, IBF белбеуінен айырылып қалған еді.

2. 27 қазанда IBF белбеуі үшін Дэниэл Джейкобс - Сергей Деревянченко жекпе-жегінің жеңімпазы. Ұйым бұл белбеуді маусымда Головкиннен тартып алған. Америкалық та GGG-мен 2017 жылы 12 раунд жұдырықтасып, төрешілер шешімімен жеңілген болатын.

3. Головкинмен қарымта жұдырықтасуға бірнеше рет ынта білдірген Мартин Мюррей. 2015 наурызда британиялық GGG-ге қарсы 11 раунд шыдаған алғашқы боксшы болды.

4. 20 қазанда WBO белбеуі үшін жұдырықтасатын Билли Джо Сондерс - Деметриус Андраде кездесуінің жеңімпазы.

5. WBC ұйымының "уақытша" белбеуіне ие және Головкинге міндетті қарсылас Джермалл Чарло.