Головкиннің телефон нөмірін таппай қалдың ба? - 50 Cent Мейвезерді сынап тастады

Бокс саласында промутер ретінде жұмыс істеп көрген танымал америкалық рэпер 50 Cent 31 желтоқсанда жапонның ММА жұлдызы Тенсин Насукавомен жекпе-жекке шығатын Флойд Мейвезерді (50-0, 27 КО) мазақ етті. Бұл туралы Sportbox.ru тілшісі хабарлайды. 

50 Cent-тің ойынша, Майвезерге қарсылас ретінде ең ұтымды шешім орта салмақ жұлдыздары - әлемнің бұрынғы чемпионы қазақстандық Геннадий Головкин (38-1-1, 34 КО) және WBC және WBA (Super) иесі мексикалық "Канело" Альварес (50-1-2, 34 КО).

"Чемпион такси жүргізушісімен жұдырықтаспақшы. Орнына маған төлеңіздер, кейін YouTube хостингіне жариялап қоямын. Флойд, Головкиннің телефон нөмірін таба алмайтындай не болыпты? Чемпион цирк ойнатқышына айналды. Альварес кем дегенде мықтылармен жұдырықтасады", - деді 50 Cent TMZ Sports-қа берген сұхбатында.

Мэйвезер-Насукава арасындағы жекпе-жек ресми жарияланды, бірақ оның форматы әлі белгісіз. BoxingScene сайтының хабарлауынша, ол бокс ережелеріне сай болады.