HBO Головкин - Лемье жекпе-жегіне арналған видеоның толық нұсқасын жариялады

НВО "Головкин - Лемье жекпе-жегіне апарар жол: Толық нұсқа" (Road to Golovkin/Lemieux: Full Show) видеосын ұсынды, - деп хабарлайды Vesti.kz.

Еске сала кетейік, Давид Лемье мен Геннадий Головкин 17 қазанда Нью-Йорктегі Madison Square Garden аренасында жұдырықтасады. Бәске WBA (Super), IBO, WBC (Interim) және IBF чемпиондық белбеулері тігіледі. Сонымен бірге, бұл екі боксшының да PPV-дағы (ақылы трансляция жүйесі) бірінші кездесуі болмақ. Кездесуді "Қазақстан" телеарнасынан тікелей эфирде көруге болады.

Айта кетейік, бұған дейін Лемье Головкинді жеңетіні туралы бірнеше рет мәлімдеме жасады.