Жәнібек Әлімханұлы рингке қашан оралатыны айтылды

Қазақстандық орта салмақтағы боксшы Жәнібек Әлімханұлының рингке қашан оралатыны белгілі болды, - деп хабарлайды Vesti.kz.

BoxRec мәліметі бойынша, 28 жастағы Әлімханұлы келесі жекпе-жегін 30 жастағы америкалық Роб Брантпен өткізеді. Ол WBA нұсқасы бойынша әлем чемпионы болған. Жекпе-жек 26 маусымда Лас-Вегаста украиналық Василий Ломаченко мен жапониялық Масаеши Накатани қатысатын бокс кеші аясында өтеді.

Қазақстандық спортшы соңғы жекпе-жегін былтыр қазанда өткізген. Ол аргентиналық Гонсало Корияны нокаутқа түсірген еді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!