"Канело" 1938 жылы қойылған рекордты қайталады

Мексикалық Сауль "Канело" Альварес бір уақытта үш салмақ дәрежесінде белбеуі бар екінші боксшы ретінде тарихқа енді. Бұл туралы iSport.ua жазды. 

Өткен демалыста Альварес Лас-Вегастағы MGM Grand аренасында ресейлік Сергей Ковалевті 11-раундта нокаутпен жеңіп, карьерасында төртінші салмақты бағындырған болатын. 

Қазір мексикалық боксшыда үш түрлі салмақта титул бар: орта салмақта - WBC (Franchise) мен WBA (Super), екінші орта салмақта - WBA (Regular), жартылай ауыр салмақта - WBO.

Бокс тарихында алғаш болып бір уақытта үш түрлі салмақта титул иеленген - америкалық Генри Армстронг. 1938 жылы ол жартылай жеңіл, жеңіл және жартылай орта салмақтарда әлем чемпионы болған.