Канело үш титул үшін таласта Каллум Смитті жеңді

Мексикалық Сауль Канело Альварес ұлыбританиялық Каллум Смитті жеңді. Жекпе-жек Американың Сан-Антонио қаласындағы Alamodome стадионында өтті, - деп хабарлайды Tengrinews.kz тілшісі.

Жекпе-жек 12 раундқа созылды. Альварес бірауыздан төрешілердің шешімімен жеңіске жетті.

Боксшылар үш титулға таласты - Смитке тиесілі екінші орта салмақтағы WBA (Super) және The Ring, сондай-ақ сол санаттағы бос WBC белбеуі.

Екі спортшы үшін бұл жекпе-жек 2020 жылы алғашқы жекпе-жек болды. Канело өткен жылдың қараша айынан бастап сол кездегі WBO титулының иегері ресейлік Сергей Ковалевті 11-раундта жеңгеннен бері кездесу өткізген жоқ. Ал Смит соңғы жекпе-жегін 2019 жылдың қараша айында Джон Райдермен өткізген болатын.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!