"Қазір UFC-де өнер көрсетер ме едім". Жүкембаев спорттағы жолы туралы айтты

Қазақстандық кәсіпқой боксшы Батыр Жүкембаев (18-0, 14 КО) қазір UFC-де өнер көрсетіп жүруі мүмкін еді. Бұл туралы ол Vesti.kz тілшісіне берген сұхбатында айтты, - деп хабарлайды Tengrinews.kz тілшісі.

Жүкембаев бала кезінде күреспен айналысқан. Боксшының ойынша, бұл спорт оны ММА-ге әкелуі мүмкін еді. 

"Егер бокста болмасам, балуан атанар едім. Күреспен айналысқанмын, бірақ бокс көбірек ұнады. Кім біледі, қазір UFC-де өнер көрсетер ме едім.

UFC-ге Макгрегор мен Хабиб жекпе-жегінен кейін қызыға бастадым. Қазір бұл спорт түрі ұнайды. Алматыдағы жекпе-жектерді көргенмін. Өте әсерлі. Қазіргі уақытта ең үздігі - Хабиб. Бірақ мен сарапшы емеспін", - деді Жүкембаев. 

Қазақстан жаңалықтары. Соңғы жаңалықтар. Telegram желісінде бізге жазыл!