Ломаченко бокстан әлемнің абсолют чемпионы болмақшы

WBO және WBA тұжырымдары бойынша әлем чемпионы Василий Ломаченко (13-1, 10 КО) жеңіл салмақта қалып, осы дивизиондағы барлық титулдардың басын қоспақшы, - деп хабарлайды vRINGe.com.

Келесі жекпе-жегінде ол WBC белбеуі үшін таласатын болады. Содан кейін ол Ричард Комми (IBF белбеуінің иегері) мен Теофимо Лопес арасындағы кездесудің жеңімпазын күтетін болады. 

"Жеңіл салмақта төрт белбеуді қалаймын. Осы салмақта абсолют болғым келеді. Ары қарай салмақ ауыстыруға асықпаймын. Люкты әуесқойлар шаршы алаңындағы кездесулерін көрдім, біздер Олимпиада ойындарында алтын алған спортшылармыз ғой. Оның бокстағы IQ көрсеткіші өте мықты, осал емес. Боксшы және тұлға ретінде құрметтеймін", - деді Ломаченко.