Ломаченко Альваресті қарсылас таңдауда қулыққа басады деп айыптады

Жеңіл салмақта WBA, WBO және WBC чемпионы украиналық Василий Ломаченко мексикалық Сауль "Канело" Альваресті физикалық дайындығы мен карьерасы сөніп бара жатқан қарсыластарды таңдайды деп айыптады, - деп хабарлайды Vesti.kz.

Спорт порталының мәліметінше, мексикалық боксшы жартылай ауыр салмақта WBO, орта салмақта WBC Franchise және WBA Super, екінші орта салмақта WBA Regular белбеулеріне ие.

"(...) Альварес карьерасы құлдилап бара жатқан қарсыластар таңдайды. Екі жыл бұрын Ковалев мықты болып тұрғанда мексикалық оған жоламады. Ал енді ол Бивол және Бетербиевпен келіспеді. Ол Ковалевті таңдады - бар әлеуетін сарқыған боксшыны", - деді Ломаченко LOMA Official TV арнасына берген сұхбатында.