Мәдениет және спорт министрі Қанат Исламға шапан жапты

Мәдениет және спорт министрі Арыстанбек Мұхамедиұлы боксшы Қанат Исламның иығына шапан жапты, - деп хабарлайды Vesti.kz.

Олардың кездесуі Астанада 4 қарашада өтті. Ведомство басшысы Исламды Алматыда 29 қазанда өткен бокс кешінде ганалық қарсыласы Патрик Аллотейді жеңіумен құттықтады.

"Сіздің соңғы кездесуіңізге 15 мыңнан аса адам келді. Бұл біздің еліміз үшін үлкен жаңалық, себебі Қазақстанда бұрын соңды кәсіби бокстан мұндай кештер қйымдастырылмаған. Оны әлемнің 20-дан аса телеарналары транслияциялады", - деді Мұхамедиұлы. 

"Алда мені чемпиондық атағымды қорғау үшін кездесулер күтіп тұр. Патрикпен болған жекпе-жек жақсы дайындық болды сол кездесулерге. Қазақстанда кәсіби бокс кешін өткізу және сол кеште шаршы алаңда жұдырықтасу мен үшін бұрыннан арман болатын", - деп бөлісті Ислам.

Суреттер Bahytbek Hamit пен Berik Sultan Facebook парақшаларынан

32 жастағы Қанат Ислам 2012 жылы кәсіби боксқа ауысқан болатын. Кәсіби рингте ол 22 кездесу өткізіп, барлығында жеңген, ал оның 18 кездесуін мерзіміне дейін нокаутпен аяқтаған.