Махмуд Сабырхан қарсыласын соққының астына алып, финалға шықты

Қазақстандық боксшы Махмуд Сабырхан Белградтағы әлем чемпионатының финалына жолдама алды, - деп хабарлайды Tengrinews.kz тілшісі.

54 келіге дейінгі салмақта Сабырхан үндістандық Акаш Кумармен қолғап түйістірді. Қазақстандық боксшы қарсыласын үш раунд бойы сабап, 5:0 есебімен басым түсті.

Бұған дейін Махмуд Сабырхан Оңтүстік Корея боксшысы Ин Кю Кимді, шотландиялық Мэттью МакХейлді, бразилиялық Михаэль Тринидадты жарыс жолынан шығарған болатын.

Сабырханның алдында қазақстандық тағы бір боксшысы Теміртас Жүсіпов те финалға шыққан еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!