"Мән-жайы келісілді". Головкиннің келесі жекпе-жегі туралы мәлімет шықты

Орта салмақта IBF және IBO чемпионы қазақстандық Геннадий Головкин (40-1-1, 35 КО) мен польшалық Камил Шеремета (21-0, 5 КО) арасындағы жекпе-жектің мән-жайы келісілді, - деп хабарлайды Boxing Kingdom.

Портал мәліметінше, жекпе-жек туралы жақында ресми жария етіледі. 

Еске салайық, GGG бұл жекпе-жекте IBF титулын қорғайды. Дегенмен жекпе-жектің өтетін күні әлі белгісіз. 

Аталған күндер ішінде 29 ақпан мен 28 наурыз бар. Шетелдік басылымдар Головкин рингке сәуір не мамырда оралады деген ақпарат та таралған.

Ал кездесу өтетін орын ретінде поляктардың ең үлкен диаспорасы шоғырланған Чикаго таңдалды.