Пакьяо Головкинның салмақ ауыстыруы жайлы: Бәрі өз қолында

Сегіз салмақ категориясы бойынша бұрынғы әлем чемпионы Мэнни Пакьяо FightHype басылымына берген сұхбатында қазақстандық Геннадий Головкин мен ұлыбританиялық Келл Брук арасындағы жекпе-жектің ұнағанын айтты, - деп хабарлайды Vesti.kz.

Бұл кездесу қыркүйек айында өтіп, бесінші раундта Головкинның жеңісімен аяқталған. Пакьяоның сөзінше, қазақстандық боксшы Брук үшін тым мықты болды.

Сұхбат алушының "Сергей Ковалевпен жекпе-жек өткізу үшін Головкин салмақ категориясының көтеруін қалайтындар бар. Осы ретте екі категорияға көтерілген адам ретінде қандай кеңес берер едің" деген сөзіне Пакьяо "Бәрі оның өзіне және қандай жоспар қойғанына байланысты", - деп жауап берді.

Ал Головкинның бапкері Фредди Роуч өзін мойындату үшін қазақстандық боксшының жартылай ауыр салмаққа өтуіне болады деп есептейді.